حوار صحفي مع الشاعر سمير فرج

الـصحافيه/ شـروق سـيد محمود 

يسعدني اليوم ان استضيف في جريدة حلم القمه موهبة ليست كباقي الموهبات سحر العالم بكتباته وإبداعه وهو الشاعر

في بداية الحوار عرفيني بنفسك

اسمك:سمير سعيد فراج

سنك:20 سنه

محافظتك:البحيرة

لقبك:الشاعر الرايق

 ماهي موهبتك، ومنذ متي بدأت تلك الموهبة، وكيف نميتها، وما أول نص قمتِ بكتابته؟

 موهبتي هي تأليف الشعر واجيد أيصاً الإلقاء بإسلوب الشعراء الكبار وبدأت كتابة وتأليف من 5 سنين او اكتر شوية وأول نص كتبته كانت قصيدة بعنوان احنا ايه جرالنا

 ممكن تعرفي نفسك في بضع سطور؟..انا انسان عندي ثقة ف الله اني هوصل لكل اللي بحلم بيه مدام عندي اليقين بالله وعندي السلاح الأهم اللي هحارب بيه اليأس وهقدر اجدف بيه واعافر بيه واعدي بمركب احلامي من بحر الأحلام والسلاح ده هو التعب والإصرار نحو الهدف وعدم اليأس وعندي ثقة في نفسي عالية جداً ومش بيهمني كلام حد ناقض لاني عارف انا بعمل ايه

 كلميني عن انجازاتك؟ انا اهم انجازاتي هو تواصل بعض القنوات الفضائية معايا للظهور علي شاشتها وابرز هذه الإنجازات هو الظهور علي شاشة قناة الحدث وقناة الصحة والجمال وطبعا مع تحقيق مراكز متقدمه في مختلف مسابقات وحفلات الشعر والكتابه

 من الذي يدعمك، وهل تود أن توجهه رسالة له؟طبعا انا من بدايتي دعمت نفسي بنفسي اولا وربنا كان مقويني قبل كل شئ وبعد كدا طبعا اهلي وبعض من اصدقائي واعارفي ولا استطيع ان اوجه الشكر الا الي الله اولاً ثم لكل من كان واثقاً في قدراتي ومن ساندني

 هل تعرضت لنقد، وكيف تغلبت عليه؟ياااه اتعرضت للنقض كتير ولكن انا بشكر برضو الناس اللي كانت بتنقض لاني كنت دايماً باخد نقضهم ده دافع ليا وكان بيزيدني قوة وعزيمة والحمدلله كل من نقضني ف البداية تحول الي محب وعاشق لفيديوهاتي وقصايدي

 من كاتبك/شاعرك المفضل؟طبعا انا بعشق الشاعر الكبير هشام الجخ

  ومن من الكتاب/ الشعراء تود أن تكون على تواصل معه؟طبعا انا علي تواصل مع شعراء كتير متميزين في الوسط ومنهم من هو مشهور جدا وانا اتشرف بكل شخص فيهم بدون استثناء

  ماهي الرسالة التي تود أن توجهها لأصحاب المواهب؟احب اقول لكل موهبة انت اول حد يقيم نفسك بنفسك وانت قادر علي تحقيق كل احلامك لا تيأس وقم بمتابعة وقراءة ما يكتبه الاخرين في نفس مجالك اياً كان لان ذلك سيزيدك تفوق وخبرة

  شىء من كتابتك؟

  مشتاق لعنيها ولمسة ايدها وحركة شفايفها لما بتتكلم 

  مشتاق لحنين م القلب بيطلع لما بشوفها بتمشي علي الأرض 

  مشتاق لجناين قلبي اللي بتفتح وريحة الورد 

 جوايا كلام بقالو سنين خايف يطلع او يحكي"فراق"

فببدل كلمة بمليون كلمة وبقول "مشتاق"

.................................

  هحاول بس اوصفها وهمشي ف الطريق وياها

  و روحي الدايبه ف كسوفها بتعشق كل لحظه معاها

  جمالها شئ طبيعي بجد

  وأقوي من قانون المد

  وعينها فيها شئ ساحر بينبع من صمام القلب

  خلاص والله مش شاعر 

  انا واصف بوصف الحب

  خدودها شئ بيوصف شئ ونفس الشئ مهوش موجود

  جمالها شئ طبيعي بجد..

  ملوهش حدود

  لـ سمير سعيد✍️

  "الشاعر الرايق

هل أعجبتك الأسئلة المطروحة؟ اه جدآ

 ياتري ايه رأيك في الحوار معايا ؟ لطيف جدا حبيته

صورة لك ولإنجازاتك

#_مبادرة _حلم_القمة 

#_المؤسسيين 

#_أحمد _شعبان

#_آية _حسن